పాక్‌లో వానల బీభత్సం: ఏడుగురు బలి, 33 మందికి గాయాలు

పాకిస్థాన్‌లోని ఖైబర్ పఖ్తున్ఖ్వా ప్రాంతంలో ఈదురు గాలులు, పిడుగుపాట్లు, భారీ వర్షాల కారణంగా తీవ్ర నష్టం వాటిల్లింది. గోడలు, ఇళ్లు కూలిపోయిన ప్రమాదాల్లో ఇద్దరు చిన్నారులు సహా ఏడుగురు మరణించగా, 33 మంది గాయపడ్డారు. బన్నూ, షాంగ్లా, మన్సెహ్రా ప్రాంతాలలో ఈ ఘోరం జరిగింది. రాబోయే రోజుల్లో మరిన్ని వర్షాలు కురిసే అవకాశం ఉందని అక్కడి వాతావరణ శాఖ హెచ్చరించింది.