మిర్చి రైతులకు చైనా షాక్: భారత్ నుంచి దిగుమతులపై నిషేధం

భారతీయ ఎండు మిర్చిలో హానికరమైన 'మిథామిడోపాస్' రసాయనాలు అధికంగా ఉన్నాయని పేర్కొంటూ, చైనా దిగుమతులపై నిషేధం విధించింది. ఈ నిర్ణయం ఎగుమతులపై ఆధారపడిన మిర్చి రైతులకు, వ్యాపారులకు పెద్ద ఎదురుదెబ్బగా మారింది. గత కొంతకాలంగా ఎగుమతులు పెరుగుతున్న వేళ, నాణ్యత ప్రమాణాల కారణంగా ఈ ఆంక్షలు విధించడం గమనార్హం. ఇండియా నుంచి చైనాకు భారీగా మిర్చి ఎగుమతులు జరుగుతుంటాయి. అయితే, పురుగుల మందుల అవశేషాలు ఉండటంతో నాణ్యత సమస్యలు తలెత్తుతున్నాయని అధికారులు తెలిపారు. దీంతో ప్రస్తుతానికి దిగుమతులను నిలిపివేస్తూ చైనా కీలక నిర్ణయం తీసుకుంది.