ఒడిశాలో బ్రిక్స్ సదస్సు

ఒడిశాలోని పురిలో బ్రిక్స్ విపత్తు తీవ్రత తగ్గింపు వర్కింగ్ గ్రూప్ సమావేశం నేడు ప్రారంభమైంది. మూడు రోజుల పాటు జరిగే ఈ సదస్సుకు భారత్ ఆతిథ్యమిస్తోంది. ఇందులో బ్రెజిల్, రష్యా, చైనా సహా 11 సభ్యదేశాల ప్రతినిధులు మరియు విపత్తు నిర్వహణ నిపుణులు పాల్గొన్నారు. ఈ సమావేశంలో విపత్తులను ఎదుర్కొనే మౌలిక సదుపాయాల అభివృద్ధి మరియు స్థిరమైన ఆర్థిక వనరులపై చర్చిస్తారు. తుపానుల నిర్వహణలో ఒడిశాకు ఉన్న అంతర్జాతీయ గుర్తింపు కారణంగా ఈ సదస్సుకు వేదికగా ఎంపిక చేశారు.