విద్యుత్ షాక్‌తో బాలుడి మృతి

కర్నూలు జిల్లా బైలుప్పల గ్రామంలో గురువారం విషాద ఘటన జరిగింది. ఆడుకుంటూ కరెంట్ హీటర్ ఆన్ చేసి ఉన్న నీటి బకెట్‌లో చేయి పెట్టడంతో ఐదేళ్ల రిషి అనే బాలుడు విద్యుత్ షాక్‌తో అక్కడికక్కడే మృతి చెందాడు. ఈ చిన్నారిని నరేశ్ అనే వ్యక్తి నుండి అతని తోడల్లుడు రాజు దత్తత తీసుకుని పెంచుతున్నాడు. ఊహించని ఈ ప్రమాదంతో కుటుంబ సభ్యులు, గ్రామస్తులు తీవ్ర దుఃఖంలో మునిగిపోయారు.