బొంరాస్‌పేటలో కొత్త పోలీస్‌స్టేషన్‌ సిద్ధం

బొంరాస్‌పేట మండల కేంద్రంలో రూ.3 కోట్లతో నిర్మించిన నూతన పోలీస్‌స్టేషన్‌ భవనం ప్రారంభానికి సిద్ధమవుతోంది. భవనానికి తుదిమెరుగులు పూర్తికాగా, ప్రహరీగోడ నిర్మాణ పనులు కొనసాగుతున్నాయి. దసరా నాటికి సీఎం రేవంత్‌రెడ్డి చేతుల మీదుగా ప్రారంభించేందుకు అధికారులు ఏర్పాట్లు చేస్తున్నారు. అన్ని రకాల సదుపాయాలతో భవనాన్ని నిర్మించారు.