బీఈఎల్ భారీ ఆర్డర్‌తో 'అపోలో మైక్రో సిస్టమ్స్' షేరు జంప్

భారత్ ఎలక్ట్రానిక్స్ లిమిటెడ్ (BEL) రూ. 30,000 కోట్ల విలువైన క్యూఆర్‌శామ్ (QRSAM) క్షిపణి ప్రాజెక్ట్ ఆర్డర్ పొందే అవకాశం ఉందన్న వార్తలతో సోమవారం అపోలో మైక్రో సిస్టమ్స్ షేరు 6 శాతానికి పైగా లాభపడింది. ఎన్‌ఎస్‌ఈ (NSE)లో ఈ షేరు రూ. 408.10 వద్దకు చేరింది. ఈ ప్రాజెక్టులో అపోలో మైక్రో సిస్టమ్స్ కీలక భాగస్వామిగా ఉంది. ఆకాశంలోని లక్ష్యాలను చేధించే ఈ క్షిపణి వ్యవస్థ ఆర్డర్‌కు కొద్ది వారాల్లోనే ప్రభుత్వ ఆమోదం లభించవచ్చని సమాచారం.