బాపట్లలో దారుణం: కళాశాల సిబ్బందిపై కత్తులతో దాడి

బాపట్ల జిల్లా చీరాలలోని ఐటీఐ కళాశాలలో మాజీ ప్రిన్సిపల్ కుమారుడు జిలానీ కత్తులతో దాడి చేశాడు. ఈ ఘటనలో కమిటీ సభ్యుడు హుస్సేన్ మృతి చెందగా, ప్రిన్సిపల్ శేషయ్య తీవ్రంగా గాయపడ్డారు. ఆర్థిక లావాదేవీల వివాదమే ఈ ఘర్షణకు దారితీసినట్లు సమాచారం. కమిటీ సమావేశం సందర్భంగా జరిగిన ఈ దాడిలో తీవ్ర గాయాలైన హుస్సేన్, ఆసుపత్రిలో చికిత్స పొందుతూ కన్నుమూశారు. నిందితుడిపై కేసు నమోదు చేసిన పోలీసులు, ఘటనపై సమగ్ర దర్యాప్తు చేస్తున్నారు. ఈ ఘటన స్థానికంగా తీవ్ర కలకలం రేపింది.