అమర్నాథ్ యాత్రకు సర్వం సిద్ధం

జులై 3 నుండి 57 రోజుల పాటు జరిగే వార్షిక అమర్నాథ్ యాత్రకు అధికారులు పూర్తి ఏర్పాట్లు చేశారు. 55 వేల మంది భక్తుల వసతి, కట్టుదిట్టమైన భద్రతతో పాటు రవాణా, ఆహార సౌకర్యాలను ప్రభుత్వం కల్పించింది. యాత్రికుల కోసం జమ్మూలో రిజిస్ట్రేషన్ కేంద్రాలను ఏర్పాటు చేయడంతో పాటు, భద్రత కోసం ఆర్ఎఫ్ఐడి (RFID) కార్డులను తప్పనిసరి చేశారు. ఆరోగ్య సమస్యలు ఉన్న భక్తులు వైద్య పరీక్షలు చేయించుకుని, నిబంధనలను పాటించాలని అధికారులు సూచించారు.