అదనపు కట్నం డిమాండ్‌పై ఫిర్యాదు

కృష్ణలంకకు చెందిన యువతి వివాహ సంబంధంలో అదనపు కట్నం డిమాండ్ చేశారంటూ కుటుంబ సభ్యులు పోలీసులకు ఫిర్యాదు చేశారు. హైదరాబాద్ యువకుడితో పెళ్లి కుదరగా, ఎంగేజ్‌మెంట్‌లో రూ.5 లక్షలు ఇచ్చారు. మధ్యవర్తులు మరో రూ.2 లక్షలు అడగడంతో రూ.లక్ష చెల్లించారు. అనంతరం ఆడపడుచు మరో రూ.3 లక్షలు అడగగా, ఇవ్వలేమని చెప్పడంతో కుటుంబ సభ్యుల ఫోన్ నంబర్లను బ్లాక్ చేశారని ఆరోపించారు. ఫిర్యాదుపై పోలీసులు విచారణ చేపట్టారు.