ఆస్పరిలో డ్రైనేజీ పూడిక తొలగింపు

ఆస్పరిలో బస్టాండ్ నుంచి అంబేద్కర్ సర్కిల్‌కు వెళ్లే ప్రధాన డ్రైనేజీ కాలువలో మంగళవారం పారిశుద్ధ్య కార్మికులు పూడిక తొలగింపు పనులు చేపట్టారు. పంచాయతీ కార్యదర్శి చంద్రకళ ఆదేశాల మేరకు ఈ పనులు నిర్వహిస్తున్నట్లు కార్మికులు తెలిపారు. అయితే, తొలగించిన పూడికను కాలనీల సమీపంలోనే వదిలేస్తున్నారని స్థానికులు ఆవేదన వ్యక్తం చేశారు. పూడికను వెంటనే అక్కడి నుంచి తొలగించాలని వారు కోరుతున్నారు.