ఆధార్ కార్డు ఆకారంలో వినాయకుడి ఆకారం

బుక్కరాయసముద్రం మండలం కొట్టాలపల్లి గ్రామంలో సోమవారం వినాయక చవితి వేడుకలు వినూత్నంగా జరుగుతున్నాయి. ఇక్కడ ఆధార్ కార్డ్ ఆకారంలో వినాయకుడి విగ్రహాన్ని ఏర్పాటు చేశారు. తండ్రి పేరు, పుట్టిన తేదీ, ఆధార్ నంబర్‌తో రూపొందించిన ఈ గణనాథుడు అందరినీ విశేషంగా ఆకట్టుకుంటున్నాడు. ఈ వినూత్న వినాయకుడి రూపాన్ని తిలకించేందుకు భక్తులు పెద్ద సంఖ్యలో తరలివస్తున్నారు.