సిబ్బంది వస్త్రధారణపై ఆంక్షలా? ఇండిగో ఏమంటోంది?

ఇండిగో సిబ్బంది వస్త్రధారణపై మతపరమైన ఆంక్షలు విధించిందంటూ సోషల్ మీడియాలో కొన్ని పత్రాలు వైరల్ అయ్యాయి. మంగళసూత్రం, సిందూరం, తిలకం వంటి వాటిపై నిషేధం ఉందన్న వార్తలు నెట్టింట తీవ్ర చర్చకు దారితీశాయి. ఈ తప్పుడు ప్రచారంతో ఎయిర్‌లైన్ సంస్థపై విమర్శలు వెల్లువెత్తాయి. అవన్నీ కల్పిత పత్రాలని ఇండిగో సంస్థ స్పష్టం చేసింది. తప్పుడు వార్తలను నమ్మవద్దని, ఇవి నిరాధారమైన ఆరోపణలని పేర్కొంది. సిబ్బందిపై ఎటువంటి మతపరమైన వివక్ష చూపడం లేదని స్పష్టత ఇచ్చింది. అందుకే ఇటువంటి తప్పుడు పుకార్లను ప్రజలు నమ్మవద్దని కోరింది.