విద్వేష ప్రసంగాలపై సుప్రీం కీలక వ్యాఖ్యలు: చట్టాలు సరిపోతాయని స్పష్టీకరణ

విద్వేష ప్రసంగాలను అరికట్టేందుకు ప్రస్తుత చట్టాలు సరిపోతాయని సుప్రీంకోర్టు స్పష్టం చేసింది. ఈ విషయంలో జోక్యం చేసుకునేంత చట్టపరమైన శూన్యత లేదని, శిక్షల నిర్ణయం పూర్తిగా చట్టసభల పరిధిలోకి వస్తుందని పేర్కొంది. చట్టాలను రూపొందించడం కోర్టుల పని కాదని స్పష్టం చేస్తూ, పిటిషనర్ల విన్నపాన్ని తోసిపుచ్చింది. మారుతున్న పరిస్థితులకు అనుగుణంగా కొత్త చట్టాల అవసరంపై ప్రభుత్వాలు ఆలోచించుకోవచ్చని అత్యున్నత న్యాయస్థానం సూచించింది.