రుణమాఫీ ప్రకటనలతో జాగ్రత్త: ప్రజలకు ఆర్‌బీఐ కీలక హెచ్చరిక!

రుణాలు మాఫీ చేస్తామనే నకిలీ హామీలతో ప్రజలను మోసం చేసేవారి పట్ల జాగ్రత్తగా ఉండాలని ఆర్‌బీఐ తెలిపింది. సోషల్ మీడియాలో వచ్చే ఇలాంటి ప్రకటనలు నమ్మి అపరిచితులకు డబ్బులు చెల్లించవద్దని అప్రమత్తం చేసింది. బ్యాంకింగ్ వ్యవస్థను దెబ్బతీసే ఇలాంటి చర్యలపై కఠినంగా వ్యవహరిస్తామని హెచ్చరించింది. అక్రమార్కుల మాయమాటలకు పడిపోకుండా, ఆర్థిక లావాదేవీల విషయంలో అప్రమత్తంగా ఉండాలని ఆర్‌బీఐ స్పష్టం చేసింది.