ఫోన్‌పే లావాదేవీతో అడ్డంగా దొరికిన దొంగలు: కోటి రూపాయల నగలు రికవరీ!

కారంపూడిలో కోటి రూపాయల బంగారు నగలను దోచుకున్న నలుగురు నిందితులను పోలీసులు అరెస్ట్ చేశారు. నిందితుల్లో ఒకరు కూల్ డ్రింక్ తాగి ఫోన్‌పే చేయడంతో, ఆ నంబర్ ఆధారంగా పోలీసులు వారిని చాకచక్యంగా పట్టుకున్నారు. సీసీ కెమెరాల ఫుటేజీ, సాంకేతిక ఆధారాలతో ఐదు బృందాలు గాలించి వీరిని అదుపులోకి తీసుకున్నాయి. వినుకొండ నుంచి వెంబడించి పక్కా పథకం ప్రకారం ఈ చోరీకి పాల్పడ్డారు. ప్రస్తుతం నిందితుల వద్ద నుంచి నగలను స్వాధీనం చేసుకున్నారు.