నిప్పుల కొలిమిగా భారత్: ప్రపంచంలోని టాప్ 100 వేడి నగరాల్లో 95 మనవే!

భారత్‌లో ఎండల తీవ్రత భయంకరంగా పెరిగింది. ప్రపంచవ్యాప్తంగా అత్యంత వేడిగా ఉన్న టాప్ 100 నగరాల్లో 95 భారత్‌లోనే ఉన్నట్లు 'AQI.in' తాజా నివేదిక వెల్లడించింది. ఏప్రిల్ 24 నాటి గణాంకాల ప్రకారం, ప్రయాగ్‌రాజ్ వంటి నగరాల్లో ఉష్ణోగ్రతలు 44 డిగ్రీలకు చేరి ప్రజలను ఉక్కిరిబిక్కిరి చేస్తున్నాయి. మహారాష్ట్ర, తెలంగాణ, యూపీ, ఒడిశా సహా పలు రాష్ట్రాల్లో ఉష్ణోగ్రతలు 40 డిగ్రీలు దాటాయి. దేశం ప్రస్తుతం నిప్పుల కుంపటిలా మారింది. ఈ క్లిష్ట సమయంలో వడదెబ్బ తగలకుండా ప్రజలు అప్రమత్తంగా ఉండాలని, తగిన జాగ్రత్తలు తీసుకోవాలని వాతావరణ నిపుణులు సూచిస్తున్నారు.