నర్మదా నదిలో విషాదం: తొమ్మిదికి చేరిన మృతుల సంఖ్య

బర్గీ జలాశయం పడవ ప్రమాదంలో మృతుల సంఖ్య తొమ్మిదికి చేరింది. భద్రతా లోపాలే దీనికి కారణమని ఆరోపణలు వస్తుండగా, గల్లంతైన మరో ఆరుగురి కోసం సహాయక బృందాలు ముమ్మరంగా గాలిస్తున్నాయి. బిడ్డను రక్షించే క్రమంలో ప్రాణాలు కోల్పోయిన తల్లి ఉదంతం అందరినీ కలచివేసింది. ప్రాణాపాయంలోనూ కుమారుడిని విడవని ఆ తల్లి మమకారం చూసి సహాయక సిబ్బంది సైతం కన్నీరుమున్నీరయ్యారు.