నకిలీ మధుమేహం ఇంజెక్షన్ల గుట్టు రట్టు: గురుగ్రామ్‌లో తయారీ ముఠా అరెస్టు!

గురుగ్రామ్‌లో నకిలీ మధుమేహం ఇంజెక్షన్ల తయారీ ముఠాను పోలీసులు పట్టుకున్నారు. చైనా నుంచి ముడి పదార్థాలు తెప్పించి, 'మౌంజారో' పేరుతో నకిలీ ఇంజెక్షన్లను తయారు చేస్తున్న ఇద్దరు నిందితులను అరెస్టు చేశారు. ఇండియా మార్ట్ వెబ్‌సైట్ ద్వారా వీటిని విక్రయిస్తున్నట్లు విచారణలో తేలింది. టైప్ 2 డయాబెటిస్ బాధితుల్లో ఈ మందులకు ఉన్న భారీ డిమాండ్‌ను ఆసరాగా చేసుకుని ఈ దందా నడుపుతున్నారు. ఆరోగ్యశాఖ తనిఖీల్లో ఈ ప్రమాదకర నకిలీ దందా బయటపడటంతో దేశవ్యాప్తంగా ఉన్న వినియోగదారులు ప్రస్తుతం తీవ్ర ఆందోళన వ్యక్తం చేస్తున్నారు.