'డాక్టర్ టెర్రర్' కేసులో ఐదుగురు వైద్యులపై ఎస్‌ఐఏ ఛార్జ్‌షీట్; ఇంట్లోనే బాంబుల తయారీ.

దిల్లీ ఎర్రకోట ఆత్మాహుతి దాడికి సంబంధించిన 'డాక్టర్ టెర్రర్' మాడ్యూల్ కేసులో జమ్మూకశ్మీర్ దర్యాప్తు సంస్థ సంచలన విషయాలను బయటపెట్టింది. నిందితులు తమ నివాసాలనే బాంబుల తయారీ కేంద్రాలుగా మార్చుకున్నారని, ఈ కుట్రలో ఐదుగురు డాక్టర్లు ఉన్నారని ఛార్జ్‌షీట్‌లో పేర్కొంది. ఉన్నత చదువులు చదివిన వైద్యులు ఉగ్రవాద భావజాలానికి ఆకర్షితులై ఈ దాడులకు ప్రణాళికలు రచించడం కలకలం రేపింది. ఈ నెట్‌వర్క్‌లో మొత్తం 10 మందిని నిందితులుగా గుర్తించిన అధికారులు, వారి కార్యకలాపాలపై లోతైన దర్యాప్తు జరిపి పూర్తి వివరాలను వెల్లడించారు.