టీసీఎస్ నాసిక్ క్యాంపస్‌లో మహిళా ఉద్యోగులపై వేధింపులు; వ్యవస్థీకృత ముఠాగా ఏర్పడి వేధించినట్లు పోలీసుల గుర్తింపు.

టీసీఎస్ నాసిక్ క్యాంపస్‌లో మహిళా ఉద్యోగులపై జరుగుతున్న వ్యవస్థీకృత వేధింపుల వ్యవహారం సంచలనం రేపుతోంది. ఒక ముఠాగా ఏర్పడిన ఏడుగురు పురుష ఉద్యోగులు, బాధితులను భయపెట్టిన హెచ్‌ఆర్ హెడ్ సహా మొత్తం తొమ్మిది మందిపై పోలీసులు ఎఫ్‌ఐఆర్‌లు నమోదు చేశారు. లైంగిక వేధింపులు, మత మార్పిడి యత్నాల వంటి తీవ్ర ఆరోపణలు వెలుగులోకి వచ్చాయి. నిందితులు తమ హోదాను దుర్వినియోగం చేస్తూ మహిళలను లక్ష్యంగా చేసుకున్నారని, బాధితులు ఫిర్యాదు చేయకుండా హెచ్‌ఆర్ విభాగమే అడ్డుకున్నట్లు పోలీసుల దర్యాప్తులో తేలింది.