చీరాల రైల్వే స్టేషన్ పనులను పరిశీలించిన ఎంపీ

బాపట్ల పార్లమెంట్ సభ్యులు కృష్ణ ప్రసాద్ గత రాత్రి అధికారులతో కలిసి చీరాల రైల్వే స్టేషన్‌లో జరుగుతున్న అభివృద్ధి పనులను క్షేత్రస్థాయిలో పరిశీలించారు. ఈ సందర్భంగా ప్రయాణికుల సౌకర్యార్థం స్టేషన్‌లోని 3, 4, 5 ప్లాట్‌ఫారమ్‌లకు వెళ్లే మార్గంలో మార్పులు చేయాలని ఆయన అధికారులకు సూచించారు. స్టేషన్ ఆధునీకరణ పనులను వేగవంతం చేయాలని, ప్రయాణికులకు ఎలాంటి ఇబ్బందులు కలగకుండా తగిన చర్యలు తీసుకోవాలని ఆదేశించారు. ఈ తనిఖీలో రైల్వే ఉన్నతాధికారులు మరియు సిబ్బంది పాల్గొన్నారు.