చిత్తూరులో భగ్గుమంటున్న భానుడు: 40 డిగ్రీలు దాటిన ఎండలు!

చిత్తూరు జిల్లాను భానుడు దహిస్తున్నాడు. ఎల్‌నినో ప్రభావంతో మూడు రోజులుగా ఉష్ణోగ్రతలు అనూహ్యంగా పెరుగుతున్నాయి. ఇప్పటికే పలు మండలాల్లో పగటి ఉష్ణోగ్రతలు 40 డిగ్రీలు దాటాయి. రాబోయే ఐదు రోజులు తీవ్రమైన వేడి, ఉక్కపోత ఉంటుందని వాతావరణ శాఖ అధికారులు హెచ్చరిస్తున్నారు. శ్రీరంగరాజపురంలో అత్యధికంగా 41.5 డిగ్రీల ఉష్ణోగ్రత నమోదైంది. నగరి, విజయపురం ప్రాంతాల్లో 41 డిగ్రీల వేడి ఉంది. రాత్రి ఉష్ణోగ్రతలు కూడా 26 డిగ్రీలకు చేరుకోవచ్చని శాస్త్రవేత్తలు చెబుతున్నారు. ప్రజలు తగు జాగ్రత్తలు పాటించాలని సూచించారు.