ఖేరాకు సుప్రీం ‘స్టే’ షాక్! బెయిల్ రద్దు.. తదుపరి పోరాటం అస్సాం కోర్టులోనే.

కాంగ్రెస్ నాయకుడు పవన్ ఖేరాకు సుప్రీంకోర్టులో చుక్కెదురైంది. ప్రాదేశిక అధికార పరిధి కారణం చూపుతూ తెలంగాణ హైకోర్టు ఇచ్చిన తాత్కాలిక ముందస్తు బెయిల్‌పై సర్వోన్నత న్యాయస్థానం స్టే విధిస్తూ కీలక నిర్ణయం తీసుకుంది. అస్సాం ముఖ్యమంత్రి భార్య ఫిర్యాదుతో నమోదైన ఈ కేసులో, ఉపశమనం కోసం అస్సాం కోర్టునే ఆశ్రయించాలని ధర్మాసనం సూచించింది. దీంతో పవన్ ఖేరా ఇప్పుడు అస్సాం న్యాయస్థానంలోనే తన వాదనలు వినిపించాల్సి ఉంటుంది.