అరవింద్ కేజ్రీవాల్‌కు ఢిల్లీ హైకోర్టు నోటీసులు.

ఢిల్లీ హైకోర్టు ముఖ్యమంత్రి అరవింద్ కేజ్రీవాల్‌కు నోటీసులు జారీ చేసింది. కోర్టు విచారణ వీడియోలను సోషల్ మీడియాలో షేర్ చేయడంపై తీవ్ర ఆగ్రహం వ్యక్తం చేసింది. ఆ వీడియోలను అన్ని ప్లాట్‌ఫారమ్‌ల నుంచి వెంటనే తొలగించాలని ఆదేశించింది. న్యాయవ్యవస్థ ప్రతిష్టను దెబ్బతీసేలా వ్యవహరించారంటూ దాఖలైన పిటిషన్ మేరకు హైకోర్టు ఈ నిర్ణయం తీసుకుంది. ఈ వ్యవహారంపై సమగ్ర వివరణ ఇవ్వాలని కేజ్రీవాల్‌తో పాటు సంబంధిత సోషల్ మీడియా సంస్థలకు కోర్టు ఆదేశాలు జారీ చేసింది.