అత్యధిక విద్యార్హతలు కలిగిన మాజీ సైనికుడు; 138 డిగ్రీలతో ప్రపంచ రికార్డు సృష్టించిన దశరథ్ సింగ్.

రాజస్థాన్‌కు చెందిన మాజీ సైనికుడు దశరథ్ సింగ్ (55) చదువుపై తనకున్న మక్కువతో ఏకంగా 138 డిగ్రీలు, డిప్లొమాలు పూర్తి చేసి అరుదైన రికార్డు సృష్టించారు. సైన్యంలో 16 ఏళ్లు పనిచేసిన ఆయన, సెలవులను కూడా ఉన్నత విద్య కోసమే వెచ్చించి ఈ ఘనత సాధించారు. అత్యధిక విద్యార్హతలు కలిగిన వ్యక్తిగా 11 ప్రపంచ రికార్డులు నెలకొల్పిన దశరథ్, ఇప్పటివరకు 46 పీజీలు, 3 పీహెచ్‌డీలు పూర్తి చేశారు. ప్రస్తుతం ఆయన న్యాయవాదిగా ప్రాక్టీస్ చేస్తూ, తోటి సైనికులకు ఉచితంగా న్యాయ సలహాలు అందిస్తూ ఆదర్శంగా నిలుస్తున్నారు.