హర్మూజ్‌ జలసంధిలో కొత్త తరహా మోసం: నౌకల యజమానులకు క్రిప్టో ఎర!

హర్మూజ్‌ జలసంధి వద్ద అమెరికా దిగ్బంధనంతో నౌకలు నిలిచిపోయాయి. దీన్ని ఆసరాగా చేసుకున్న కొందరు మోసగాళ్లు, తాము అధికారులమని నమ్మిస్తూ, క్రిప్టో కరెన్సీ చెల్లిస్తే నౌకలను సురక్షితంగా దాటిస్తామని హామీ ఇస్తూ యజమానులను మోసం చేస్తున్నారు. మారిస్క్స్‌ సంస్థ ఈ ముఠాల పట్ల తీవ్ర హెచ్చరికలు జారీ చేసింది. ఇది పూర్తిగా అక్రమమని, అధికారులు ఎటువంటి క్రిప్టో చెల్లింపులు కోరరని స్పష్టం చేసింది. యజమానులు చాలా అప్రమత్తంగా ఉండి, ఇటువంటి మోసపూరిత హామీలను ఏమాత్రం నమ్మవద్దని, జాగ్రత్తగా ఉండాలని ఆ సంస్థ ఘాటుగా సూచించింది.