హర్మూజ్ జలసంధి వద్ద అమెరికా దిగ్బంధనం; 21 నౌకలను వెనక్కి పంపిన సెంట్రల్ కమాండ్.

హర్మూజ్ జలసంధి వద్ద ఇరాన్ నౌకలపై అమెరికా సెంట్రల్ కమాండ్ దిగ్బంధనం కొనసాగిస్తోంది. ఇప్పటివరకు 21 నౌకలను వెనక్కి పంపినట్లు అమెరికా ప్రకటించింది. అరేబియా సముద్రంలో గస్తీ ముమ్మరం చేసి, ఇరాన్ పోర్టులకు వెళ్లే నౌకలను అమెరికా సమర్థవంతంగా అడ్డుకుంటోంది. జలసంధిని తెరుస్తున్నట్లు ఇరాన్ ప్రకటించినా, అమెరికా తన దిగ్బంధనాన్ని కొనసాగిస్తోంది. దీనిపై ఇరాన్ ఆగ్రహం వ్యక్తం చేస్తూ, ఆంక్షలు ఆగకపోతే హర్మూజ్ జలసంధిని మళ్లీ మూసివేస్తామని హెచ్చరించింది. దీనితో ఇరు దేశాల మధ్య ఉద్రిక్తతలు మళ్లీ రాజుకున్నాయి.