స్టార్టప్‌లు, ఎంఎస్‌ఎంఈల బలోపేతం: ప్రభుత్వ నూతన పారిశ్రామిక విధానం

హైదరాబాద్‌ ఐఐసీటీలో అంకుర సంస్థలు, ఎంఎస్‌ఎంఈల బలోపేతం కోసం టెక్నాలజీ ట్రాన్స్‌ఫర్‌ ఫెసిలిటేషన్‌ కేంద్రం (టీటీఎఫ్‌సీ) ఏర్పాటైంది. పరిశోధనశాలలోని ఆవిష్కరణలను మార్కెట్‌లోకి తీసుకురావడమే దీని ప్రధాన లక్ష్యం. రసాయన, బయోటెక్నాలజీ, క్లీన్ ఎనర్జీ వంటి రంగాల్లో సుమారు 200 సాంకేతికతలను పరిశ్రమలకు బదిలీ చేసేందుకు ఈ కేంద్రం వారధిలా పనిచేస్తుంది. ఎంఎస్‌ఎంఈ మంత్రిత్వ శాఖ ఆర్థిక సహకారంతో ఏర్పాటైన ఈ కేంద్రం ద్వారా అంతర్జాతీయ స్థాయిలో పేటెంట్లు, ట్రేడ్‌మార్క్‌ల నమోదులోనూ ఐఐసీటీ మద్దతునిస్తుంది. టీటీఎఫ్‌సీ ద్వారా సాంకేతికతను పొంది పరిశ్రమ ఏర్పాటు చేస్తే, పెట్టిన పెట్టుబడిలో 70 శాతం తిరిగి వస్తుందని ఐఐసీటీ డైరెక్టర్ డా.డి.శ్రీనివాస్‌రెడ్డి తెలిపారు. ఇది నవకల్పనలకు సరికొత్త ఊతాన్నివ్వనుంది.