సీట్ల పెంపుపై సీఎం రేవంత్ ప్రతిపాదనలపై కిషన్‌రెడ్డి విమర్శలు; హైబ్రిడ్ మోడల్‌తో గ్రామీణ జిల్లాలకు అన్యాయమని వెల్లడి.

లోక్‌సభ సీట్ల పెంపుపై ముఖ్యమంత్రి రేవంత్‌రెడ్డి ప్రతిపాదించిన హైబ్రిడ్ నమూనాను కేంద్ర మంత్రి జి.కిషన్‌రెడ్డి తీవ్రంగా విమర్శించారు. కేవలం ఆదాయం ప్రాతిపదికన సీట్లు పెంచితే హైదరాబాద్, రంగారెడ్డి జిల్లాలకే ప్రాధాన్యత పెరిగి, ఇతర జిల్లాలకు అన్యాయం జరుగుతుందని ఆయన హెచ్చరించారు. దక్షిణాది రాష్ట్రాలకు సీట్ల పెంపులో ఎలాంటి అన్యాయం జరగదని, రాజ్యాంగ నిబంధనల ప్రకారమే కేంద్రం కసరత్తు చేస్తోందని కిషన్‌రెడ్డి స్పష్టం చేశారు. రాజకీయ విభజనలు సృష్టించకుండా నిర్మాణాత్మక సలహాలు ఇవ్వాలని, ప్రజలను తప్పుదారి పట్టించవద్దని ఆయన కాంగ్రెస్‌కు హితవు పలికారు.