కరీంనగర్‌లో ఘర్షణ: కౌశిక్‌రెడ్డి కారు ధ్వంసం

కరీంనగర్‌లో బీఆర్ఎస్, బీజేపీ శ్రేణుల మధ్య తీవ్ర ఘర్షణ చోటుచేసుకుంది. ఎమ్మెల్యే కౌశిక్‌రెడ్డి వ్యాఖ్యల నేపథ్యంలో ఆగ్రహించిన బీజేపీ కార్యకర్తలు ఆయన కారును, కార్యాలయాన్ని ధ్వంసం చేశారు. ఇరువర్గాలు దాడులకు దిగడంతో ఉద్రిక్తత నెలకొంది. పరిస్థితిని అదుపు చేయడానికి పోలీసులు లాఠీచార్జ్ చేసి పలువురిని అరెస్ట్ చేశారు. రాజకీయ విమర్శలు భౌతిక దాడుల వరకు వెళ్లడం స్థానికంగా కలకలం రేపింది. ప్రస్తుతం అక్కడ భారీగా పోలీస్ బలగాలను మోహరించారు.