శ్రీశైలం దేవస్థానం వెబ్‌సైట్‌లో సాంకేతిక లోపం; ఆన్‌లైన్ టికెట్ల బుకింగ్‌కు అంతరాయం.

శ్రీశైలం దేవస్థానం అధికారిక వెబ్‌సైట్‌లో సాంకేతిక లోపం తలెత్తడంతో ఆన్‌లైన్ సేవలపై ప్రభావం పడింది. టికెట్ల బుకింగ్‌లో అంతరాయం ఏర్పడటమే కాకుండా, ఇప్పటికే బుక్ చేసుకున్న టికెట్లు డౌన్‌లోడ్ కాకపోవడంతో భక్తులు తీవ్ర ఇబ్బందులు ఎదుర్కొంటున్నారు. ముఖ్యంగా వెబ్‌సైట్‌లోని 'బుకింగ్ హిస్టరీ' విభాగంలో వివరాలు కనిపించకపోవడం భక్తులను ఆందోళనకు గురిచేస్తోంది. ఈ సమస్యను పరిష్కరించి సేవలని పునరుద్ధరించేందుకు దేవస్థానం ఐటీ విభాగం ప్రయత్నాలు చేస్తోంది.