అంజన్న క్షేత్రానికి అరుదైన కీర్తి: నీతి ఆయోగ్ ‘దివ్యభారత్’లో కొండగట్టు!

జగిత్యాల జిల్లాలోని కొండగట్టు అంజన్న ఆలయం నీతి ఆయోగ్ ప్రతిష్టాత్మక 'దివ్యభారత్' పుస్తకంలో చోటు దక్కించుకుంది. దేశవ్యాప్త పర్యాటక క్షేత్రాల విశిష్టతలను తెలిపే ఈ గ్రంథంలో తెలంగాణ ఆలయం ఎంపిక కావడంపై సర్వత్రా హర్షం వ్యక్తమవుతోంది. స్వయంభువుగా వెలిసిన హనుమంతుడి చారిత్రక నేపథ్యం ఈ గౌరవానికి కారణమైంది. విదేశీ పర్యాటకులకు అవగాహన కల్పించే ఈ పుస్తకం ద్వారా క్షేత్ర ప్రాముఖ్యత ఇప్పుడు ప్రపంచవ్యాప్తం కానుంది. ఇది రాష్ట్రానికే గర్వకారణం.