శంషాబాద్‌ విమానాశ్రయంలో 3 కిలోల గంజాయి స్వాధీనం.

శంషాబాద్‌ విమానాశ్రయంలో కస్టమ్స్ అధికారులు భారీగా గంజాయిని పట్టుకున్నారు. బ్యాంకాక్ నుంచి వచ్చిన ఓ మహిళా ప్రయాణికురాలి లగేజీని తనిఖీ చేయగా, సుమారు 3 కిలోల గంజాయి లభించింది. అధికారులు దానిని స్వాధీనం చేసుకుని నిందితురాలిని అదుపులోకి తీసుకున్నారు. బ్యాంకాక్ నుంచి అక్రమంగా గంజాయిని తరలిస్తున్నట్లు గుర్తించిన అధికారులు కేసు నమోదు చేసి దర్యాప్తు చేస్తున్నారు. విమానాశ్రయంలో భద్రతను మరింత కఠినతరం చేశామని, ప్రయాణికులపై నిరంతరం నిఘా ఉంచుతున్నామని అధికారులు ఈ సందర్భంగా వెల్లడించారు.