వైకాపా నేత అంబటి రాంబాబుపై కేసు నమోదు: కారణమిదే!

వైకాపా నేత, మాజీ మంత్రి అంబటి రాంబాబుపై గుంటూరు నగరంపాలెం పోలీసులు కేసు నమోదు చేశారు. తన ఇంటిపై దాడి చేసిన వారిని అరెస్టు చేయాలని డిమాండ్ చేస్తూ, శనివారం గుంటూరు కలెక్టరేట్ ఎదుట ఆయన నిరసన దీక్ష చేపట్టారు. ఈ దీక్షకు ఎటువంటి ముందస్తు అనుమతి లేకపోవడంతో పాటు, దీనివల్ల ట్రాఫిక్‌కు తీవ్ర అంతరాయం కలిగిందని పేర్కొంటూ పోలీసులు ఆయనపై కేసు నమోదు చేశారు. అనుమతి లేకుండా నిరసన తెలపడం, ప్రజలకు ఇబ్బంది కలిగించినందుకు ఈ చర్యలు తీసుకున్నట్లు పోలీసులు తెలిపారు.