విడుదలక ముందే లోకల్ ఛానల్‌లో విజయ్ ‘జన నాయగన్’ ప్రసారం; ఛానల్ యజమానిని అరెస్ట్ చేసిన పోలీసులు.

విజయ్ నటించిన ‘జన నాయగన్’ చిత్రం విడుదలకాకముందే కోయంబత్తూరులోని ఒక లోకల్ ఛానల్‌లో ప్రసారం కావడం సినీ వర్గాలను దిగ్భ్రాంతికి గురిచేసింది. ఇప్పటికే పైరసీ బారిన పడిన ఈ చిత్రాన్ని ఏప్రిల్ 11న టీవీలో ప్రదర్శించడంతో తమిళగ వెట్రి కళగం (TVK) నేతలు పోలీసులకు ఫిర్యాదు చేశారు. ఈ ఘటనపై స్పందించిన సైబర్ పోలీసులు సదరు లోకల్ ఛానల్ యజమానిని అరెస్ట్ చేశారు. సినిమా ప్రసారాన్ని నిలిపివేసే సమయానికే పూర్తి చిత్రం టెలికాస్ట్ అయ్యిందని, దీని వెనుక ఉన్న మూలాలను కనిపెట్టేందుకు దర్యాప్తు వేగవంతం చేశామని అధికారులు వెల్లడించారు.