మెలోనీ ఫేక్ ఫోటోల కలకలం: ఏఐ ముప్పుపై ఇటలీ ప్రధాని హెచ్చరిక

తన పేరిట ఆన్‌లైన్‌లో వైరల్ అవుతున్న అశ్లీల చిత్రాలు ఫేక్ అని ఇటలీ ప్రధాని జార్జియా మెలోనీ స్పష్టం చేశారు. ఏఐ సాంకేతికతతో సృష్టించిన ఈ డీప్‌ఫేక్ ఫోటోల పట్ల ప్రజలు అప్రమత్తంగా ఉండాలని ఆమె గట్టిగా హెచ్చరించారు. సాంకేతికతను దుర్వినియోగం చేస్తూ రాజకీయ ప్రత్యర్థులు తప్పుడు ప్రచారం చేస్తున్నారని ఆమె మండిపడ్డారు. సమాచారాన్ని షేర్ చేసే ముందు వాస్తవాలను వెరిఫై చేసుకోవాలని, ఏఐ వల్ల పొంచి ఉన్న ప్రమాదాలను గుర్తించాలని మెలోనీ సూచించారు.