మెక్సికో వేదికగా ‘వారణాసి’ సందడి: నా కల ఇదేనన్న రాజమౌళి!

మెక్సికో ‘కామిక్‌కాన్ 2026’ వేదికగా రాజమౌళి తన భారీ చిత్రం ‘వారణాసి’ గ్లింప్స్‌ను ప్రదర్శించారు. మహేశ్‌బాబు హీరోగా వస్తున్న ఈ చిత్రంపై భారీ అంచనాలు ఉన్నాయి. బాహుబలికి మెక్సికో నగరం ‘చిచెన్ ఇట్జా’ ప్రేరణ అని ఆయన తెలిపారు. ‘ఆర్ఆర్ఆర్’, ‘నాటు నాటు’కు ప్రపంచవ్యాప్తంగా లభించిన గుర్తింపు చూశాక, తాను సినిమాలు ఎందుకు తీస్తున్నానో అర్థమైందని రాజమౌళి భావోద్వేగానికి లోనయ్యారు. అంతర్జాతీయ స్థాయిలో ప్రేక్షకులను ఆకట్టుకోవడమే తన ప్రధాన లక్ష్యమని ఆయన స్పష్టం చేశారు.