బెంగాల్ ఎన్నికల ప్రచారంలో అమిత్ షా కీలక వ్యాఖ్యలు; హింసకు ఓటుతోనే జవాబు ఇస్తారని వెల్లడి.

రాణిగంజ్ ఎన్నికల ప్రచారంలో కేంద్ర మంత్రి అమిత్ షా మాట్లాడుతూ, బెంగాల్ ప్రజలు బాంబులు, తూటాల రాజకీయాలకు ఓటుతోనే సమాధానం చెబుతారని వ్యాఖ్యానించారు. రాష్ట్రంలో మమతా బెనర్జీ ప్రభుత్వాన్ని సాగనంపి, బీజేపీ అధికారాన్ని చేపట్టడం ఖాయమని ఆయన ధీమా వ్యక్తం చేశారు. దేశం నుంచి చొరబాటుదారులను తరిమికొట్టే సమయం ఆసన్నమైందని, నక్సలిజాన్ని ఇప్పటికే అణచివేశామని షా పేర్కొన్నారు. గత ప్రభుత్వాలు ఉగ్రవాదంపై మెతక వైఖరి అవలంబించాయని విమర్శిస్తూ, ప్రధాని మోదీ నాయకత్వంలోనే ఉగ్రవాదులకు తగిన గుణపాఠం చెప్పామని ఆయన గుర్తు చేశారు.