ఫేక్ ఫోన్ పే యాప్‌తో రూ. 20 వేల మోసం: ఇద్దరు అరెస్ట్

ఫేక్ ఫోన్ పే యాప్‌తో నకిలీ లావాదేవీలు చూపుతూ మోసాలకు పాల్పడిన ఇద్దరు యువకులను పోలీసులు అరెస్ట్ చేశారు. అత్యవసరమని నమ్మించి రూ. 20 వేలు తీసుకున్న నిందితులు, నకిలీ యాప్ ద్వారా నగదు బదిలీ చేసినట్లు స్క్రీన్ షాట్ చూపించి బాధితుడు వహీమ్ అహ్మద్ ఖాన్‌ను బురిడీ కొట్టించారు. డబ్బులు అకౌంట్‌కు జమ కాకపోవడంతో బాధితుడు ఫిలింనగర్ పోలీసులకు ఫిర్యాదు చేశారు. రంగంలోకి దిగిన పోలీసులు సీసీ కెమెరాలు, వాహన నంబర్ ఆధారంగా మహమ్మద్ మక్తదర్ రెహమాన్, మహ్మద్ అకిఫ్‌లను గుర్తించి అదుపులోకి తీసుకున్నారు.