దుర్గమ్మకు భారీ కానుక.. రూ. 16 లక్షల బంగారు హారాన్ని కానుకగా ఇచ్చిన భక్తుడు!

విజయవాడ ఇంద్రకీలాద్రిపై కొలువుదీరిన కనకదుర్గమ్మకు నిజామాబాద్ జిల్లాకు చెందిన భక్తుడు తోడుపునూరి శ్రీనివాస్ భారీ కానుకను సమర్పించారు. మంగళవారం తన కుటుంబంతో కలిసి అమ్మవారిని దర్శించుకున్న ఆయన, 107.5 గ్రాముల బరువున్న బంగారు లక్ష్మీ కాసుల హారాన్ని ఆలయ అధికారులకు విరాళంగా ఇచ్చారు. పచ్చలు, కెంపులతో పొదిగిన ఈ హారం విలువ సుమారు రూ. 16.30 లక్షల నుండి రూ. 16.70 లక్షల వరకు ఉంటుందని అంచనా. భక్తి ప్రపత్తులతో సమర్పించిన ఈ కానుకను స్వీకరించిన ఆలయ అధికారులు, భక్తుడికి అమ్మవారి ప్రసాదం మరియు చిత్రపటాన్ని అందజేశారు.