దక్షిణ భారత్‌కు అన్యాయం చేస్తున్నారు: విపక్షాలపై నారా లోకేశ్ ఫైర్.

పునర్విభజన, రాజ్యాంగ సవరణ బిల్లులను అడ్డుకోవడం ద్వారా ప్రతిపక్షాలు దక్షిణ భారత్, ఈశాన్య మరియు చిన్న రాష్ట్రాలకు తీవ్ర అన్యాయం చేశాయని మంత్రి నారా లోకేశ్ ఆరోపించారు. ఈ బిల్లులను అడ్డుకోవడం ఫెడరల్ సమతుల్యతపై దాడి చేయడమేనని ఆయన మండిపడ్డారు. 2026 జనగణన తర్వాత జనాభా ప్రాతిపదికన స్థానాల కేటాయింపు జరిగితే, అభివృద్ధిలో ముందున్న రాష్ట్రాలు తీవ్రంగా నష్టపోతాయని లోకేశ్ హెచ్చరించారు. ఈ నష్టానికి ప్రతిపక్షాల మొండివైఖరే కారణమని ఆయన తీవ్రస్థాయిలో ధ్వజమెత్తారు.