తేజస్వి సూర్య వ్యాఖ్యలపై మంత్రి పొన్నం ప్రభాకర్ ఆగ్రహం; ఎంపీని బర్తరఫ్ చేయాలని డిమాండ్.

తెలంగాణ ఏర్పాటును అవమానించిన ఎంపీ తేజస్వి సూర్యను బర్తరఫ్ చేయాలని మంత్రి పొన్నం ప్రభాకర్ డిమాండ్ చేశారు. ప్రత్యేక రాష్ట్రం కోసం జరిగిన ఆత్మత్యాగాలను కించపరచడం సహించరానిదని, దీనిపై లోక్‌సభ స్పీకర్‌కు లేఖ రాస్తున్నట్లు వెల్లడించారు. రాష్ట్ర ఏర్పాటును భారత్-పాక్ విభజనతో పోల్చడంపై పొన్నం మండిపడ్డారు. భాజపా నేతలు తెలంగాణ ప్రయోజనాలను కాపాడటంలో విఫలమయ్యారని, అవమానకర వ్యాఖ్యలు చేసిన ఎంపీకి ప్రజలే బుద్ధి చెబుతారని ఆయన ఈ సందర్భంగా హెచ్చరించారు.