తెలంగాణలో నార్వే పెట్టుబడుల జోరు: మంత్రి శ్రీధర్ బాబుతో కీలక భేటీ!

తెలంగాణ మంత్రి శ్రీధర్ బాబుతో నార్వే ప్రతినిధులు సచివాలయంలో సమావేశమయ్యారు. మే ఎలిన్ స్టెనర్ నేతృత్వంలోని హై-లెవల్ బృందం రాష్ట్రంలో పెట్టుబడి అవకాశాలపై సుదీర్ఘంగా చర్చించింది. లైఫ్ సైన్సెస్, హెల్త్ కేర్ రంగాల్లో నార్వే కంపెనీల భాగస్వామ్యాన్ని మంత్రి శ్రీధర్ బాబు ప్రత్యేకంగా ఆహ్వానించారు. క్లీన్ ఎనర్జీ, ఏఐ, గ్రీన్ మాన్యుఫ్యాక్చరింగ్‌పై ప్రత్యేక రోడ్‌మ్యాప్‌ను వారు పరిశీలించారు. ‘తెలంగాణ-నార్వే వర్కింగ్ గ్రూప్’ ఏర్పాటుపై కీలక నిర్ణయం తీసుకున్నారు. పెట్టుబడులకు రాష్ట్రం అత్యంత అనుకూలమని మంత్రి వివరించారు. భవిష్యత్తులో ఈ ద్వైపాక్షిక సంబంధాలు బలోపేతం కానున్నాయి.