తారక్ సరికొత్త మేకోవర్; సోషల్ మీడియాలో వైరల్‌గా మారిన ఎన్టీఆర్ జిమ్ ఫొటో.

ప్రముఖ నటుడు ఎన్టీఆర్ తన తాజా జిమ్ ఫొటోను సోషల్ మీడియాలో పంచుకుంటూ ట్రోల్స్‌కు గట్టి సమాధానమిచ్చారు. ప్రశాంత్ నీల్ దర్శకత్వంలో వస్తున్న 'డ్రాగన్' సినిమా కోసం ఆయన తన శరీరాకృతిని మార్చుకుని, కండలు తిరిగిన లుక్‌తో అభిమానులను ఆశ్చర్యపరిచారు. షూటింగ్ వాయిదా పడిందన్న వార్తలను పటాపంచలు చేస్తూ, తన శ్రమను చాటిచెప్పేలా ఈ ఫొటోను తారక్ పోస్ట్ చేశారు. రుక్మిణీ వసంత్ కథానాయికగా నటిస్తున్న ఈ పాన్ ఇండియా చిత్రం ప్రస్తుతం శరవేగంగా చిత్రీకరణ జరుపుకుంటోంది.