డీలిమిటేషన్‌పై అపోహలు వద్దు; రేవంత్ రెడ్డిది ఒవైసీ ఫార్ములా అంటూ కిషన్‌రెడ్డి విమర్శ.

దక్షిణాది రాష్ట్రాలకు అన్యాయం జరగకుండానే డీలిమిటేషన్ ప్రక్రియ సాగుతుందని కేంద్ర మంత్రి కిషన్‌రెడ్డి స్పష్టం చేశారు. మహిళా రిజర్వేషన్లు మరియు సీట్ల పెంపు విషయంలో కాంగ్రెస్, బీఆర్‌ఎస్ పార్టీలు ప్రజలను తప్పుదోవ పట్టిస్తున్నాయని ఆయన దిల్లీలో మండిపడ్డారు. ముఖ్యమంత్రి రేవంత్ రెడ్డి అనుసరిస్తున్నది 'హైబ్రిడ్ ఫార్ములా' కాదని, అది 'అసదుద్దీన్ ఒవైసీ ఫార్ములా' అని కిషన్‌రెడ్డి ఎద్దేవా చేశారు. కొత్త నాయకత్వానికి అవకాశం వస్తుందనే భయంతోనే ప్రతిపక్షాలు ఈ సంస్కరణలను వ్యతిరేకిస్తున్నాయని ఆయన విమర్శించారు.