ట్రంప్ ‘గోల్డ్ కార్డ్’ స్కీమ్: ఆశించిన స్పందన కరువు!

అమెరికా పౌరసత్వం కోసం ట్రంప్ ప్రవేశపెట్టిన ‘గోల్డ్ కార్డ్’ వీసాకు స్పందన తక్కువగా ఉంది. డిసెంబర్‌లో ప్రారంభించిన ఈ స్కీమ్ ద్వారా నాలుగు నెలల్లో కేవలం ఒక్కరికి మాత్రమే ఆమోదం లభించింది. వాణిజ్య మంత్రి హొవార్డ్ లుట్నిక్ ఈ విషయాన్ని వెల్లడించారు. ప్రస్తుతం వందలాది దరఖాస్తులను పరిశీలిస్తున్నామని, ఈ స్కీమ్‌తో ట్రిలియన్ డాలర్ల ఆదాయం వస్తుందని అమెరికా అంచనా వేస్తోంది. పాత ఈబీ-5 ప్రోగ్రామ్‌లోని లోపాలను సరిదిద్దేందుకే ఈ కొత్త విధానాన్ని తీసుకొచ్చినట్లు ట్రంప్ ప్రభుత్వం పేర్కొంది.