జ్యోతి సురేఖ జోరు: ఆర్చరీ ప్రపంచకప్ ప్రిక్వార్టర్స్‌లోకి ప్రవేశం!

ఆర్చరీ ప్రపంచకప్‌ స్టేజ్‌-2లో ఆంధ్రప్రదేశ్ ఆర్చర్ వెన్నం జ్యోతి సురేఖ సత్తా చాటింది. కాంపౌండ్ మహిళల వ్యక్తిగత విభాగంలో కజకిస్థాన్ క్రీడాకారిణి యునుసోవాపై 150-145 స్కోరుతో ఘన విజయం సాధించి ప్రిక్వార్టర్స్‌కు దూసుకెళ్లింది. జ్యోతితో పాటు అదితి, ప్రగతి, మధుర కూడా ముందంజ వేశారు. అయితే, టీమ్ విభాగంలో భారత మహిళల జట్టు తుర్కియే చేతిలో ఓడి నిరాశపరిచింది. రికర్వ్ విభాగంలో అంకిత భకత్ టాప్-10లో నిలిచి పతక రౌండ్‌కు అర్హత సాధించింది.