'జైలర్-2' షూటింగ్ దృశ్యాల లీక్; సోషల్ మీడియాలో వైరల్!

'జన నాయగన్' లీక్ ఘటన మరువకముందే రజనీకాంత్ నటిస్తున్న 'జైలర్-2' సినిమా సన్నివేశాలు సోషల్ మీడియాలో లీక్ కావడంతో చిత్ర పరిశ్రమ ఉలిక్కిపడింది. దర్శకుడు నెల్సన్ తెరకెక్కిస్తున్న ఈ చిత్రం సెట్‌లోని కీలక దృశ్యాలు బయటకు రావడంతో చిత్ర బృందం తీవ్ర ఆందోళన చెందింది. ఈ లీక్‌లపై సన్‌ పిక్చర్స్ వేగంగా స్పందించింది. వీడియోలను ప్రచారం చేస్తున్న సోషల్ మీడియా ఖాతాలపై చట్టపరమైన చర్యలు తీసుకుంటున్నామని, తన యాంటీ పైరసీ టీమ్ ద్వారా ఆ వీడియోలను తొలగిస్తున్నామని ప్రకటించింది.