‘జైలర్‌ 2’ షూటింగ్ కంప్లీట్.. రజనీకాంత్ ఫ్యాన్స్‌కు పండగే!

సూపర్ స్టార్ రజనీకాంత్ హీరోగా, నెల్సన్ దిలీప్‌కుమార్ దర్శకత్వంలో రూపొందుతున్న భారీ చిత్రం ‘జైలర్ 2’. తాజాగా ఈ సినిమా షూటింగ్ పూర్తి చేసుకున్నట్లు చిత్ర బృందం ప్రకటించింది. షూటింగ్ సెట్స్‌లోని కొన్ని ఆసక్తికరమైన ఫొటోలను సైతం అభిమానులతో సోషల్ మీడియా వేదికగా పంచుకున్నారు. ఈ చిత్రాన్ని ఈ ఏడాది సెప్టెంబర్‌లో విడుదల చేసేందుకు నిర్మాతలు వేగంగా సన్నాహాలు చేస్తున్నారు. త్వరలోనే అధికారిక విడుదల తేదీని ప్రకటించనున్నారు. ‘జైలర్’ సృష్టించిన సంచలనాలను ఈ చిత్రం కూడా పునరావృతం చేస్తుందని అభిమానులు మరింత ఆసక్తిగా ఎదురుచూస్తున్నారు.