జర్మనీ గురుద్వారాలో కత్తుల యుద్ధం: భక్తుల మధ్య ఎందుకీ ఘర్షణ?

జర్మనీలోని ఒక గురుద్వారాలో రెండు వర్గాల మధ్య జరిగిన హింసాత్మక ఘర్షణ కలకలం రేపింది. ఈ ఘటనలో 11 మంది తీవ్రంగా గాయపడ్డారు. దాదాపు 40 మంది పాల్గొన్న ఈ గొడవలో కత్తులు, పెప్పర్ స్ప్రేలు, తుపాకులను సైతం వినియోగించినట్లు ప్రత్యక్ష సాక్షులు తెలిపారు. ఘటన స్థలానికి చేరుకున్న పోలీసులు భారీగా మోహరించి పరిస్థితిని అదుపులోకి తీసుకువచ్చారు. వీడియోలు సామాజిక మాధ్యమాల్లో వైరల్ అవుతున్నాయి. అయితే, ఈ ఘర్షణకు గల కారణాలు ఇంకా తెలియరాలేదని, దీనిపై లోతైన దర్యాప్తు కొనసాగుతోందని జర్మన్ అధికారులు వెల్లడించారు.